Кои новитети не очекуваат во автомобилската 2019 година?
Во текот на годината која е пред нас, автомобилските ентузијасти може да очекуваат повеќе од 40 нови или рестилизирани модели од различни брендови, вклучувајќи хечбек, седан, кросовери, SUV, камионети и суперавтомобили…
Ова се дел од новитетите.
Alfa Romeo 6C
По Giulia и Stelvio, време е Alfa Romeo да ја дополни својата понуда. Моделот 6C треба да понуди уште поголема моќ заедно со традиционалниот беспрекорен италијански дизајн.
BMW Серија 1
По Серија 3, Серија 8 и Z4…, BMW за 2019 година ја подготвува новата генерација на својот најмал модел, Серија 1. Фановите на баварскиот бренд особено ги интересира верзијата 130i од која треба да се очекуваат 260 КС.
BMW i5
Баварците дефинитивно направија одлична работа со своите први електрични автомобили i3 и i8. Сега се очекува автомобил кој ќе направи баланс помеѓу овие два модели, а тоа е лимузината i5 лимузина со најавени 320 километри автономија.
Ford Mustang Mach 1
Веројатно многумина беа изненадени од најавата дека Ford подготвува електричен SUV базиран на Mustang. Првично наречен Мах 1, овој автомобил светлото на денот ќе го види дури по неколку години, но како концепт ќе биде претставен веќе оваа година.
Ferrari SUV
Моментот кој дефинитивно ќе го одбележи почетокот на една нова ера ќе биде денот кога Ferrar ќе го претстави својот прв SUV на светот. Иако имаше многу шпекулации и гласини за овој автомобил, проектот FX16 влегува во својата завршна фаза, а наскоро ќе може да видиме како ќе „личи“ коњчето на теренско возило засновано на моделот GTC4Lusso.
Honda Urban EV
Концептот кој со нетрпение се очекува во неговата сериска верзија е урбаниот мал урбан ретро дизајн Urban EV. Најавен во 2017 година во Франкфурт, за првпат беше прикажан оваа година, наскоро ќе се појави на патиштата, дури и во верзија со пет врати.
Range Rover Road Rover
Range Rover сака да го следи трендот и во 2019 година ќе го претстави својот EV. Road Rover ќе биде луксузен како Mercedes S-класа, но со теренски можности. Се очекува да биде базиран на новата генерација на Jaguar XJ, но со електричен погон од I-Pace и моќност од 400 КС.
SEAT Leon
Шпанската филијала на групацијата Volkswagen последниве години направи голем чекор напред на пазарот, а голема заслуга во тоа има моделот Leon, поевтината варијанта на VW Golf. Seat ја подготвува новата генерација за 2020 година, а по тестовите под камуфлажа, конечно ќе го открие својот популарен хечбек оваа година. Покрај стандардните бензински и дизел мотори, се очекува и хибридна верзија.
Renault Clio
За само неколку месеци, доаѓа новиот Renault Clio, еден од најпопуларните градски автомобили во Европа. Покрај новиот дизајн, моделот ќе биде освежен со нови погонски единици, со 1.3-литарски и 1.5-литарски агрегати.
Tesla Model Y/Tesla Pickup
Откако конечно дојде до стабилизација на производството на Model 3 и конечно се достигна посакуваното производство, американската компанија сега може да се посвети и на нови модели. Така, во 2019 година, најверојатно не очекува долго најавуваниот кросовер Model Y како и Тесла Pickup.
Toyota Supra
По неколку децении чекање, новата Toyota Supra конечно доаѓа. Во последните денови од 2018 година, протекоа првите фотографии од возилото без камуфлажа развиено во соработка со BMW паралелно со нивниот Z4, кој беше лансиран оваа година и ги исполни очекувањата. Сега, на ред е Supra.
Golf 8
За крај – кралот во својот сегмент. Во средината на 2019, пристигнува осмата генерација на еден од најпопуларните автомобили во историјата на автомобилската индустрија – Volkswagen Golf. Осмото издание на Golf носи повеќе простор во патничкиот простор, огромен мултимедијален екран, најнова технологија во однос на возењето и безбедноста. Тука се и новите мотори – 1.0-литарски со три-цилиндри, 1.5-литарски со четири цилиндри па се до моќните 2.0-литарски TSI и TDI мотори. VW објави дека почетната цена за најевтина верзија ќе биде околу 18.000 евра.