Познати финалистите во изборот за Светски автомобил на годината (World Car of the Year 2020) / ВИДЕО
Носителот на престижната титула „Светски автомобил на годината 2020“ ќе биде познат во април
По изборот на „Европски автомобил на годината 2020“ во кој триумфираше новиот Peugeot 208, автомобилските фанови своите погледи сега ги насочуваат кон следниот избор – World Car of the Year 2020.
Листата на кандидати е скратена на само три имиња и многу веројатно за многумина е големо изненадување – со оглед на тоа дека помеѓу финалистите се два модела на Mazda, а третиот финалист е големиот теренец на Kia.
World Car of the Year (финалисти)
– Kia Telluride
– Mazda CX-30
– Mazda3
Во претходниот круг на гласање, паднаа моделите како што се: Volkswagen Golf и T-Cross, Mercedes-Benz CLA и GLB, но и Range Rover Evoque, Hyundai Sonata и Kia Soul EV.
Изборот за Светски автомобил на годината, освен главната, има уште четири подкатегории: урбан автомобил, луксузен автомобил, дизајн и спортски автомобил на годината.
Финалистите по категории се следните:
World Urban Car
– Kia Soul EV
– Mini Electric
– Volkswagen T-Cross
World Luxury Car
– Mercedes Benz EQC
– Porsche 911
– Porsche Taycan
World Performance Car
– Porsche 718 Spyder/Cayman GT4
– Porsche 911
– Porsche Taycan
World Car Design of the Year
– Mazda3
– Peugeot 208
– Porsche Taycan
За победниците одлучува интернационално жири составено од 86 автомобилски новинари од целиот свет, а имињата на победниците ќе бидат објавени на 8 април, на церемонија пред отворањето на Салонот за автомобили во Њујорк.