Во најновата серија на тестови спроведени од независниот EuroNCAP, повеќето од тестираните возила се здобиле со максимални пет sвездички за безбедност

Меѓу тестираните се два модела на VW групата од сегментот C – новите итерации на Audi A3 и Seat Leon. Двата автомобили добија по пет ѕвезди. Резултатите на А3 се 89% за заштита на возрасни патници, 81% за деца и 68% за заштита на пешаци и велосипедисти. Leon постигнал уште подобар резултат – 91% за заштита на возрасните, 88% за деца и 71% за пешаци и велосипедисти.

Низ ригорозните тестови на EuroNCAP успешно поминале и Kia Sorento, Land Rover Defender и Isuzu D-Max, а тоа значи и максимални пет sвезди за безбедност.

Јужнокорејскиот теренец забележал 82% за возрасни, 85% за деца и 63% за пешаци и велосипедисти. Defender – 85% за заштита на возрасни, ист процент за деца и 71% за пешаците и велосипедистите. Isuzu’s D-Max индексирал 84% за возрасни, 86% за заштита на деца и 69% за пешаци и велосипедисти.

Но, не сите модели кои се нашле на тест можат да се пофалат со добри резултати.

Малата електричната Honda е оценета со четири sвезди. Јапонскиот мал електричен модел не успеал во областа на заштита на возрасните (76%) и пешаците и велосипедистите (62%). Добар резултат има во областа на заштите на младата популација (82%).

Најлошо во оваа рунда на тестирање поминал Hyundai i10. Корејскиот модел од сегментот А добил само три sвезди, што е прилично лош резултат во време кога дури четири sвезди се сметаат за сериозен недостаток.

Hyundai i10 добил само 69% за заштита на возрасни патници, а експертите од EuroNCAP како особено проблематичен го посочуваат фронталниот удар. Во прилог на лошиот резултат се и 75% за заштита на децата, но исто така и само 52% за заштита на пешаците и велосипедистите.