Првите три се Volkswagen, Renault-Nissan и Toyota, се вели во извештајот

Екологистите составиле список на производители на автомобили кои најмногу ја загадуваат атмосферата. Според извештајот на Greenpeace, во 2018 година, вкупната количина на автомобилски емисии на CO2 во светот достигнала 9% од вкупните штетни емисии на планетата – 4,8 гигатони на СО2. Авторите на студијата потенцираат дека ова е повеќе од сите емисии на Европа во истиот период.

Лидер во ова рангирање е германскиот концерн Volkswagen. Во 2018 година автомобилите на групата испуштиле 582 милиони тони СО2 во атмосферата. Второто место го зазема Renault-Nissan (577 милиони тони), а на третото место е Toyota (562 милиони тони). Списокот на „најнечисти“ компании е дополнет со General Motors (530 милиони тони), Hyundai-Kia (401 милиони тони), Fordд (346 милиони тони), FC (305 милиони тони), Honda (283 милиони тони) тони), PSA (201 милиони тони) и Suzuki (164 милиони тони).

Екологистите посочуваат дека само првите 5 компании на списокот учествуваат со скоро 55% од вкупните емисии на стакленички гасови. Во 2018 година, само автомобилите на Volkswagen испуштиле повеќе гасови во атмосферата од Австралија.

Ситуацијата се влошува со зголемената побарувачка на кросовер и SUV модели: само во последните десет години, бројот на овие продадени возила во Европа е тројно зголемен – од 8% во 2008 година на 32% во 2018 година. Во исто време, хибридите не го решаваат проблемот, односно само го маскираат проблемот, бидејќи главниот мотор во овие автомобили е сè уште бензинец или дизел.

Loading...