Европските производители на автомобили го стопираат производството
PSA и Volkswagen се меѓу компаниите кои најавија промени во работењето
Европските производители на автомобили од PSA до Volkswagen го затвораат производството во регионот, во услови на зголемена загриженост од ширењето на коронавирусот и затворањето на границите, поради што е отежната трговијата и влијае на пристапот на компаниите до потребните компоненти за производство, пренесува Bloomberg.
PSA, производителот на Peugeot, соопшти дека ги затвора сите свои фабрики во Европа поради „сериозниот“ број на заразени луѓе со коронавирус во некои од градовите што ги опкружуваат, нарушувањата во синџирот на снабдување и неочекуваните падови на автомобилските пазари.
Портпаролот на VW вели дека ограничувањата за пристап во некои градови, главно во најпогодените региони на Италија и Шпанија, го отежнуваат движењето на компоненти и автомобили. Тој додава дека ова влијае и на другите компании во компанијата, вклучително и на онаа во Чатануга, Тенеси, САД.
Fiat Chrysler исто така објави дека го намалува обемот на производство во некои од своите фабрики. Компанијата соопшти дека Maserati ќе го запре производството во Европа.
Renault Nissan исто така престана со производство во својата фабрика во Барселона.
Европските земји, вклучително и Германија, ги заострија своите гранични контроли за да го запрат ширењето на коронавирусот, иако досега дозволуваа слободен премин на стоки. Владите во Европа се борат да ги спречат внатрешните движења, оставајќи многу вработени во нивните домови, што ги забавува стапките на производство.
VW, најголемата европска индустриска компанија, ќе претстави ажурирање на бизнис перспективите на својата годишна прес-конференција во вторник. Производителот вработува околу 670.000 луѓе во 122 фабрики низ целиот свет.