Започна производството на новиот Kia Sportage. Наскоро ќе бидат познати и цените
Стартуваше производството на петтата генерација на Kia Sportage во фабриката во Жилина, Словачка
Од 2006 година до денес, фабричките ленти во Жилина ги напуштиле околу 2 милиони единици на Kia Sportage или 104.500 единици од втората генерација на моделот, 797.500 единици од третата генерација и повеќе од еден милион единици од четврта генерација.
„Започнувањето со производство на новата петта генерација на Sportage во фабрика во Словачка е уште еден клучен момент за нас во оваа многу стресна и многу успешна година“, вели Џејсон Јеонг, претседател на Kia Europe. „Драго ми е што фабриката во Жилина ќе ја продолжи богатата историја на производство на Sportage. Петтата генерација на Kia Sportage е дизајнирана специјално за европските пазари, а официјалната премиера се одржа на почетокот на септември. Новиот модел ќе биде достапен и со бензински и дизел мотори, како и со електрифицирани варијанти. Новини во понудата на мотори се класичните хибриди (HEV) и plug-in хибриди (PHEV). Дополнително, достапни се верзии со погон на предните тркала и со погон на сите тркала“.
Ценовникот на новиот Kia Sportage ќе биде познат кон крајот на овој месец. Производителот очекува дека периодот на исполнување на нарачките за моделите произведени во фабриката Жилина нема да биде подолг од 4 месеци.