За оние со длабок џеб: Купувате имот, добивате Rolls Royce и Lamborghini
Суперлуксузниот имот се наоѓа во Флорида
Суперлуксузниот пентхаус се наоѓа на 47-тиот кат од подеднакво престижната зграда лоцирана во Sunny Isles Beach северно од Мајами. Mansions at Acqualina се наоѓа на самиот брег на океанот, а наведениот стан од околу 950 метри квадратни е толку луксузен што има свое име – Palazzo Del Cielo.
Добра вест е дека купувачот кој ќе го избере овој недвижен имот, добива и луксузни возила. И тоа не едно, туку две. Не само што на подарок ќе добие Rolls Royce Cullinan, првиот супер-луксузен SUV, туку во гаражата ќе го чека и Lamborghini Aventador. Возилата се вредни вкупно 750.000 американски долари.
„Единствениот проблем“ би можел да биде цената на недвижниот имот од околу 38 милиони долари.