Toyota го подготвува новoто Aygo
Новата генерација на јапонскиот мал урбан модел треба да биде претставена во средината на следната година.
Ќe биде многу интересно да се види што ќе стори Toyota со својот претставник во сегментот А, но ако им се верува на последните фотографии од папараците, јапонската марка подготвува големи промени. Се очекува целосно нова силуета во споредба со сегашниот модел, со јасни индикации за стилот на кросовер во идната итерација. Покрај тоа, „Х“ на предниот дел на возилото, кој веќе подолго време е знак на препознавање на овој автомобил, заминува во историјата.
Наместо тоа, ќе видиме сличен дизајн како оној на малку поголемиот Yaris. На крајот на краиштата, новиот Aygo ќе ја сподели платформата со својот поголем брат, односно ќе користи скратена верзија на архитектурата TGNA-B.
Моторната гама засега останува мистерија. Сигурно е дека сегашниот бензинец со три цилиндри ќе најде примена и во новата генерација, но не е јасно дали ќе има повеќе понудени единици. Некои странски експертски медиуми наведуваат дека Toyota може да понуди и класичен хибриден погонски систем, но дека тоа ќе дојде подоцна во текот на животниот циклус на Aygo.
Така, новата генеразија на Aygo целосно ќе раскине со „француските“ гени. Неговите браќа Citroen C1 и Peugeot 108 се пензионираат, додека поранешната заедничка фабрика на PSA Group и Toyota, каде беа произведувани сите овие автомобили, ќе припадне на втората марка.