Следи рестилизација за Porsche Macan / ТИЗЕР ВИДЕО
Германскиот Porsche досега има претставено три генерации на Cayenne, две генерации на Panamera и четири генерации на Boxster, а 911 не треба ни да се споменува
Сепак, еден од најпродаваните автомобили на оваа компанија се уште е во својата прва генерација. Станува збор за моделот Macan, чија прва генерација ќе го продолжи своето патување, но притоа ќе помине и сериозна рестилизација.
Сега, по повеќе од четири години по официјалната премиера и 350.000 продадени примероци во светот, германскиот производител на автомобили, кој е најпознат по своите спортски автомобили, се подготвува за премиера на рестилизираниот Macan. Токму поради оваа причина, пуштено е ново тизер видео.
Дел од развојната фаза на рестилизираниот Macan, вклучувало и тестирање на многу лоши терени во Јужна Африка на надморска височина од 3.400 метри. Станува збор за тест фаза која на производителите им ги покажува границите на издржливост на нивните модели, и им овозможува да ги подобрат пред производство и продажба.
[useyourdrive dir=”1rf1nLYIXIpO2T9sUADguO0mXdq2DFvCE” mode=”gallery” viewrole=”administrator|editor|author|contributor|subscriber|guest” downloadrole=”all” showsharelink=”1″ showrefreshbutton=”0″ search=”0″ showbreadcrumb=”0″]
Со поновите конкурентски модели како што се моделите Range Rover Velar, Jaguar F-Pace и Alfa Romeo Stelvio, но и адутите на германската тројката: Mercedes GLC, BMW X3 и Audi Q5, јасно е дека конкуренцијата во овој сегмент е повеќе од остра.
Токму затоа, освежувањето на овој модел пристигнува во вистинско време. Од Porsche потврдуваат дека премиерата на рестилизираниот Porsche Macan ќе се одржи на крајот од овој месец во Кина.