Не поминало добро: Еве како работи Tesla во режим „Full Self-Driving“ во Њујорк / ВИДЕО
„Возењето низ Њујорк е предизвик и за луѓето, а дека овој систем може да се нарече „целосно самовозечки“ е неточно“
Претходно оваа недела, CNN Business објави видео во кое нивниот автомобилски новинар Мајкл Балабан се обидува да го користи напредниот систем за помош на возачот Full Self-Driving на Tesla на улиците на Њујорк.
Имено, во неколку наврати бил принуден да ја преземе контролата бидејќи системот донел неодлучни и навидум опасни одлуки.
Иако системот сè уште е во својата бета форма, нашироко се тврди дека името го надминува производот. Иако е способен да преземе многу обврски додека вози, името „целосно самостојно возење“ може да го доведе во заблуда возачот.
Навистина, тестот го покажува доброто функционирање на FSD кога патот е празен, но во сложени ситуации, кога Тесла е опкружена со возила, пешаци и велосипедисти, често била потребна човечка интервенција.
Во еден момент, кога имало велосипедист пред Tesla, системот се обидел непотребно да го избегне велосипедистот и преминал во спротивната лента од каде доаѓал камион за испорака. Во друга ситуација, Tesla не ги препознала оградите кои ги блокираат лентите од другата страна на раскрсница, по што автомобилот агресивно свртел во следната лента. Во третото сценарио, Tesla застанала на зелено светло.
„Знаете, се чини дека тоа ги вознемирува другите возачи“, вели Балабан, признавајќи дека неговиот скептицизам во однос на системот можеби влијаел на резултатите. Сепак, снимката сугерира дека имало ситуации во кои без негова интервенција лесно можела да се случи несреќа.
Иако возењето низ Њујорк е предизвик и за луѓето возачи, Балабан истакна дека нарекувањето на овој систем „целосно самостојно возење“ е едноставно неточно.