Листата на чекање е подолга отколку за Ferrari. Овие Toyota модели се чекаат со години!
Откако листата на чекање за новиот Land Cruiser се продолжи на четири години, истото се случи и со неговиот полуксузен брат од Lexus
Станува збор за Lexus LX, огромен теренец со впечатлив изглед и опрема со врвен квалитет, по кој јапонската публика буквално е полудена. Секој нов ден листата на чекање станувала подолга, а откако неодамна достигна неверојатни 48 месеци, Lexus одлучи да го повлече моделот од понудата.
Се работи за привремена одлука, која ќе биде активна додека не почнат да се скратуваат листите на чекање. Слична судбина го чека и новиот Lexus NX, кросовер кој е се побаран и за кој листата на чекање веќе е продолжена на значително повеќе од 12 месеци.
Сè на сè, Toyota на јапонскиот пазат моментално не нуди три модели. Интересно е што тие сè уште се достапни во остатокот од светот. Toyota веќе најави проблеми во пласманот, кои се резултат на прекините во снабдувањето со делови и привременото затворање на одредени јапонски погони. Планот беше да се произведуваат 800.000 возила месечно, но ќе се произведуваат околу 50.000 единици помалку.
Така, негативниот тренд продолжува и во втората половина од годината, па веќе е акумулиран минус од 400.000 автомобили. Во следните месеци, доколку условите поврзани со Ковид-19 тоа го дозволат, Toyota планира да го зголеми производството на 850.000 месечно и со тоа да го анулира дефицитот од првата половина на годината.