Краен рок за TDI и TSI моторите: Volkswagen објави кога планира да престане со производство на дизел и бензински мотори!
Марката Volkswagen ќе произведува само електрични автомобили во Европа веќе во 2033 година, вели нејзиниот шеф Томас Шефер
VW ќе лансира 10 нови електрични модели до 2026 година, вклучувајќи го и почетниот модел што сака да го продава за помалку од 25.000 евра, вели извршниот директор на Volkswagen, Томас Шефер. Тоа возило ќе има две варијанти – хечбек и кросовер, вели тој. Овие автомобили се очекува да имаат ознаки ID.1 и ID.2. Шефер најави дека следната година VW ќе претстави освежена верзија на компактниот ID.3, прва во својата нова генерација на целосно електрични автомобили, а интензивно се работи и на кросовер верзија на ID.3.
Истовремено, во следната деценија, сериските брендови на VW Group ќе го намалат бројот на понудени модели со цел да се фокусираат на основните модели и зголемување на профитната маржа за сите масовни марки (VW, Seat, Škoda и комерцијални возила) за 8 проценти до 2025 година.
Марката Volkswagen ќе произведува само електрични автомобили во Европа веќе во 2033 година, вели нејзиниот шеф Томас Шефер. Значи, тогаш престанува производството на бензински и дизел автомобили, барем за европскиот пазар.