Кои се наjвредните автомобилски брендови во светот
Најскапите автомобилски компании според класификацијата на Interbrand се Toyota, Mercedes-Benz и BMW
Консултантската агенција Interbrand го објави годишното рангирање на „100-те најскапи брендови во светот“, а на ранг листата за оваа година има 15 автомобилски компании.
Toyota е најскапиот автомобилски бренд и се наоѓа на седмото место во вкупниот пласман со проценета вредност од 51,595 милијарди долари, што е за 8% помалку од претходната година. Mercedes-Benz е на следната осма позиција со проценета вредност од 49.268 милијарди долари, а BMW е на 11-то место со проценета вредност од 39,756 милијарди долари.
Останатите автомобилски компании се класифицирани на следниов начин:
- Honda – 21,694 милијарди долари (20-то место, -11%)
- Hyundai – 14.295 милијарди долари (36. место, + 1%)
- Tesla – 12,785 милијарди долари (40-то место -)
- Ford – 12,568 милијарди долари (42-то место, -12%)
- Ауди – 12,428 милијарди долари (44-то место, -2%)
- Volkswagen – 12,267 милијарди долари (45-то место, -5%)
- Porsche – 11,301 милијарди долари (55-то место, -3%)
- Nissan – 10,553 милијарди долари (59-то место, -8%)
- Ferrari – 6,379 милијарди долари (79-то место, -1%)
- Kia – 5,830 милијарди долари (86-то место, -9%)
- Land Rover – 5,077 милијарди долари (93 -13%)
- MINI – 4,965 милијарди долари (95-то место, -10%)
Треба да се наведе дека скоро сите автомобилски компании во рангирањето изгубиле на вредност споредено со претходното рангирање. Единствен исклучок е јужнокорејскиот бренд Hyundai, чија цена се зголемила за 1% – на 14.295 милијарди долари. Меѓу 100-те највредни брендови во светот повторно се наѓа и американската компанија Tesla (12,785 милијарди долари), која не беше вклучена во рангирањето за 2019 година.
Севкупно, највреден бренд е Apple (322,999 милијарди долари) пред Amazon (200,667 милијарди долари) и Microsoft (166,001 милијарди долари). Google, кој беше рангиран на второто место минатата година, оваа година е само на четвртото место со вредност од 165,444 милијарди долари.
