Кога мала Toyota e поцврста од Land Rover… / ВИДЕО
Некои од факторите кои влијаат на популарноста на теренците се чувството на сигурност и лажната илузија на моќ. За жал, некои луѓе сметаат дека дури и најсовремените технологии не можат да се спротивстават на физиката
Навистина, со развојот на технологијата, теренците денес се постабилни за возење, но тоа не значи дека нивниот центар на гравитација е понизок или дека тешко се превртуваат. Ова на своја кожа го доживеал и возачот на бел Land Rover. Пристигнувајќи на кружен тек во Бирмингем, возачот на Land Rover Discovery Sport пропуштил Nissan, а потоа решил да ја промени лентата за да избегне гужва. Но, при престројувањето удрил во задниот дел на Toyota GR Yaris, кој стоел во место. Теренецот се издигнал во воздух до покривот на Yaris-от, а потоа се превртел на покривот.
Судејќи по снимката, оштетувањето на Land Rover-от е големо и опфаќа делови од каросеријата, стаклата и секако браникот, со кој е остварен првиот контакт. Сепак, најинтересно е што малата Toyota од овој ненадеен напад излегла без некоја значителна штета.
And for those wondering how the feck you end up upside on a traffic island ….the answer has been revealed- you drive like a tw*t! pic.twitter.com/s3fj1uSSO7
— James Goes Cycling??⛵️?? (@JamesKPatterson) December 23, 2021
Доколку мислите дека теренците се побезбедни во сообраќајот, вредно е да се повторат резултатите од студијата на американскиот NHTSA, според која шансата теренците да се превртат во сообраќајна несреќа се 20%, додека веројатноста за патничките автомобили (лимузини и купеа) е двојно помала.