Hyundai Motor и Донкерволке повторно заедно
Познатото име во светот на автомобилскиот дизајн ќе биде одговорен за новите проекти на Корејците
Белгиецот Лук Донкерволке се враќа во Hyundai само половина година откако ја напушти функцијата главен дизајнер во корејската компанија. Донкерволке и се придружува на компанијата како извршен потпреседател на нова позиција со седиште во Техничкиот центар на Hyundai Motor во Риселхајм, Германија каде ќе биде Главен креативен директор и прв човек за дизајн комуникација во групата Hyundai. Дизајнерот се очекува да се фокусира на развојот на марката Genesis, како и да биде одговорен за новата под-марка Ioniq EV и идните корејски автомобили на водород.
Белгиецот исто така ќе биде вклучен во развојот на новите концептни автомобили. Сангјуп Ли останува шеф на одделот за дизајн за Hyundai и Genesis, а Карим Хабиб продолжува да биде главен дизајнер на Kia.
Во досегашната работа за Hyundai од 2016 година до оваа пролет, Донкерволке е одговорен за дизајнот на неколку нови автомобили, вклучувајќи ги сегашните Genesis G80, G90 и GV80, Hyundai Tucson и Hyundai Prophecy, како и концептот Genesis Essentia.
Пред да им се приклучи на Корејците, Белгијанецот беше главен дизајнер на Lamborghini, Seat и Bentley во групацијата Volkswagen. Меѓу автомобилите што ги има создадено се Lamborghini Diablo VT, Murcielago и Gallardo, Audi A4 Avant, тркачкиот Audi R8 Le Mans и Audi A2, како и Bentley Flying Spur и EXP 10 Speed 6.