Genesis пристигнува во Европа
Toyota го има Lexus, Nissan го има Infiniti, Citroen го има DS, а Hyunday Genesis
Луксузниот под-бренд на јужнокорејскиот автомобилски гигант наскоро доаѓа и на европскиот пазар.
Genesis во моментов е достапен во САД, Канада, Русија, Јужна Кореја, Австралија и Блискиот исток, а на Стариот континент доаѓа веќе следната пролет. Стартот на мисијата „освојување на Европа, Genesis ќе го стартува со присуство на Саемот за автомобили во Женева во месец март.
Во понудата на Genesis моментално има класични три-волуменски лимузини под ознаките G70, G80 и G90, а во фаза на развој се SUV моделите GV70 и GV80, како и чисто електричен модел.
Прв човек во одделот за дизајн од септември е Филипо Перини, кој пред да работи во Genesis работеше во Alfa Romeo, Audi, Lamborghini и Italdesign.