McLaren го откри својот адут за 2021 година: MCL35M / ФОТО+ВИДЕО
На настан организиран во седиштето на екипата во Вокинг, McLaren го претстави MCL35M, болидот кој Даниел Рикиардо и Ландо Норис ќе го возат во престојната F1 сезона. Ова ќе биде првиот McLaren со погон од Mercedes по 2014 година
Тимот има големи очекувања од новиот болид. По одличното трето место во ранкингот на конструкторската листа минатата сезона, оваа година во тимот сакаат да се обидат да го надминат тој резултат. Доаѓањето на Mercedes и Даниел Рикиардо дефинитивно ќе го засилат тимот и ќе биде дополнителен мотив за враќање на врвот во Formula 1.
„Воодушевени сме што нашиот тим за 2021 година ги имаме Ландо и Даниел. Оваа година имаме неверојатно возбудлива постава на возачи, и двајцата се страшни таленти на патеката и одлични луѓе надвор од патеката. Ландо е природно брз и интелигентен, додека Даниел е повеќекратен победник во трки со остри сетила и исклучителен талент “, вели Зак Браун.
„Сите во McLaren сме подготвени и решени за уште една сезона на интензивно конкурентни трки во Formula 1. Целиот тим работеше напорно во текот на кратката зима, заедно со нашите колеги од Mercedes-AMG, за производство на MCL35M и обезбедување одличен болид за нашите возачи . Ова не е мал предизвик и сакам да му се заблагодарам на секој член на нашиот тим за огромниот вложен напор. Ландо и Даниел ќе дадат се од себе да го искористат максимално тој напор“, вели шефот на тимот Андреас Сеидл.
„И покрај релативно стабилните технички прописи од 2020 година, има неколку значајни измени во правилата во областа на аеродинамиката. Секоја промена во овие регулативи претставува можност, а тимот од Вокинг работеше неверојатно напорно во тешки услови за да ги искористи максимално овие можности. Еден од клучните елементи на дизајнот на MCL35M е интеграција на погонскиот систем од Mercedes-AMG. И покрај ограничениот опсег за инсталирање на погонскиот агрегат во веќе хомологиран автомобил, тимот заврши одлична работа во оптимизирање на нашата дизајнерск работа“, вели техничкиот директор Џејмс Ки.
