Тркач за секој ден: Lamborghini Huracan STO / ФОТО+ВИДЕО
Lamborghini официјално ја претстави новата верзија на Huracan
Huracan STO е ново Lamborghini инспирирано од моделите Squadra Corse Huracan Super Trofeo EVO и Huracan GT3 EVO.
Има таканаречен „агресивен“ аеродинамичен body kit кој вклучува преден и заден прилагодлив спојлер, заден дифузер, отвори за воздух и проширени браници, а тркалата се изработени од магнезиум (за да бидат полесни, но со задржана цврстина).
Новиот Lamborghini е поставен на Bridgestone Potenza пневматици. Ветробранското стакло е 20% полесно, па дури и вкупната тежина е помала поради честата употреба на магнезиум и јаглеродни влакна (45 килограми полесен од Huracan Performance или 1339 kg). Односот тежина / моќ е 2,09 килограми на една КС.
Тука се и сопирачките Brembo CCM-R, а најинтересниот дел е моторот – 5.2-литарски V10 мотор со 470 kW / 640 КС и вртежен момент од 565 Nm, погон на задните тркала.
Во фабричкото соопштение се наведува и дека забрзувањето од 0 до 100 km/h трае 3 секунди, како и дека автомобилот достигнува 200 km/h за 9 секунди. Што се однесува до максималната брзина, таа е 310 km/h.
Во ентериерот се истакнуваат тркачките седишта изработени од јаглеродни влакна, како и површините со алкантара.
Новиот Huracan STO нуди три нови режими на возење: STO (за пат), Trofeo (за тркачка патека) и Pioggia (за дожд).
[useyourdrive dir=”14R-i3IIRNr5dplQQ7u7UXpN4WAy6Qo1E” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Испораката до првите клиенти ќе се случи следната пролет.
https://youtu.be/WGkeYPmh8xo