Уникатен Rolls-Royce Hyperion Pininfarina кој никој не сака да го купи веќе 13 години
Некои можеби ќе се сетат на еднократната креација Rolls-Royce Phantom Hyperion на Pininfarina, премиерно прикажана на Pebble Beach Concours d’Elegance во 2008 година, всушност роудстер верзија на британскиот суперлуксузен кабриолет Phantom Drophead
Имено, овој супер-ексклузивен „one-off“ Rolls-Royce дизајниран и рачно изработен од реномираната италијанска куќа по нарачка, едноставно повеќе не може да најде купувач. Ако е познато дека парите дефинитивно не се проблем во колекционерските кругови, тогаш вистинско прашање е зошто никој не сака да го купи овој Rolls-Royce Hyperion?
Ако се врати времето уште малку наназад, откако автомобилот бил нарачан од Pininfarina од познатиот колекционер со длабок џеб Роланд Хол, тој го поседувал само една година, по што автомобилот го сменил сопственикот во 2009 година за 4 милиони фунти. Ако мислевте дека денес, 13 години подоцна, ќе вреди двојно, се лажете.
Ексклузивниот Rolls потпишан од Pininfarina со 0 поминати километри, веќе 13 години никој не сака да го купи и е во продажба е по трет пат. Автомобилот е огласен на Mobile.de од AL Ain Class Motors, со седиште во Дубаи, која за него бара 4.265.000 евра.
Многумина веруваат дека вистинската причина зошто никој не го сака во својата колекција, колку и да е посебен, всушност е неговата грдотија.
Контроверзниот дизајн кој изгледа како кинеска копија на вистинскиот Rolls-Royce веројатно не му се чини доволно добар на никого за да плати сума која може да ја потроши на егзотика како Bugatti Chiron Sport, Ferrari LaFerrari, Aston Martin Valkyrie, Pagani Huayra Roadster, Ferrari Monza SP2 , Koenigsegg Reger, McLaren Speedtail…
Се чини дека во овој случај познатата поговорка „за секое грнче има капаче“ или „секоја роба си има свој купувач“ паѓа во вода…
