Toyota: Преминoт на електрична енергија може да ја скрши јапонската економија!
Акио Тојода, како извршен директор на јапонската компанија Toyota Motor, вели дека би било мудро стратегијата, која на крајот треба да резултира со јаглеродна неутралност, да биде пофлексибилна и понежно дозирана, односно одмерена
„Сведоци сме на нов негативен „напад“ кон возилата со батерии и глобалниот тренд на електрификација кој вака или онака го спроведува Toyota“. Приказната за тоа прв ја донесе специјализираниот Automotive News, кој ги пренесува зборовите на загриженост на Тојода. Искусниот менаџер вели дека јапонската економија ќе се соочи со катастрофа и загуба на милиони работни места, доколку термичките мотори се укинат. За да избегне такво сценарио, тој предлага индустријата да се фокусира на хибридни возила, како оние кои нудат „копче“ помеѓу конвенционалните и електричните.
Раководителот на Toyota гледа две насоки во кои може да се развиваат настаните, кога станува збор за разумни алтернативи за јапонската автомобилска индустрија. Во првиот случај, електричните автомобили ќе се произведуваат само за извозни цели, додека во вториот, нивното склопување ќе биде целосно прекинато.
Оние кои ја следат автомобилската индустрија сигурно се сеќаваат на претходните изјави на Тојода, во кои тој веќе ја критикуваше целата возбуда што се создава околу електричните автомобили и предупреди во исто време, дека Јапонија ќе остане без електрична енергија за редовни потреби на населението и индустријата, ако целата флота на возила во земјата на изгрејсонцето, веднаш се префрли на батериска технологија.
Вториот епилог може да доведе до помало производство што на крајот би значело затворање на 5,5 милиони работни места
„Ако повеќето луѓе велат дека конвенционалните автомобили се наш непријател, скоро и да нема да можеме да произведеме ништо од автомобилите“, вели Тојода.
Според него, патот за намалување на нивото на штетни емисии на CO2 треба да се бара со негување индивидуален пристап кон секоја земја поединечно, земајќи ги предвид сите карактеристики на специфичната економија, автомобилската индустрија и применетите технологии. На овој начин, директорот на Toyota реагираше на новопрогласената политика на американските власти, што подразбира поттик за Американците од страна на властите, во однос на купување возила со електричен погон. Не само Toyota, туку и Honda, како најголем светски производител на мотори со внатрешно согорување, остро се противат на ова. И двата гиганти продаваат хибридни возила на прекуграничните пазари.
„Бензинско-електричните модели сами по себе се голем чекор кон јаглеродна неутралност“, целосно е убеден Тојода. „Тие се поевтини и полесни за продажба во земји каде што нема целосна инфраструктура неопходна за електрични возила. Дополнително на тоа, хибридите постојано се развиваат и стануваат почисти. Дополнителна придобивка од хибридните автомобили се рефлектира во фактот дека тие се одличен мост помеѓу термичките и електричните мотори, така што влијанието врз економиите на многу земји, предизвикано од електрификацијата, ќе биде значително поблаго, што би значело многу за економијата на Јапонија“.
Toyota досега има произведено околу 18,1 милиони хибриди. Проценките сугерираат дека Toyota е заслужна за намалување на емисијата на јаглерод, исто како досега да продале околу 5,5 милиони чисто електрични возила.
Конечно, треба да се каже дека Toyota, и покрај несогласувањето, во последно време сериозно „гризе“ за да не заостанува премногу зад возилата со батерии во споредба со конкуренцијата. Претходно овој месец, се прошири веста дека јапонската компанија планира да инвестира повеќе од 13 милијарди американски долари во развој на технологија и производство на батерии. Тоа треба да донесе конкурентни предности за групата до 2030 година.