Со класична музика против крадците!
Децата и кучињата сега ќе бидат побезбедни во автомобилите на Tesla
Досадните автомобилски аларми кои ги вознемируваат соседите кога се активираат би можеле да заминат во историјата ако новиот „експеримент“ на Tesla се покаже дека е ефективен.
Имено, по најновите ажурирања на софтверот во автомобилите на Tesla, истите ќе имаат навистина посебен аларм кој треба да ги спречи грабежите и кражбите.
„Sentry Mode“ ги користи сензорите во автомобилот за да открие кога некој ќе се приближи премногу до возилото. Кога ќе открие потенцијален провалник, тој вклучува осум камери кои се на возилото и го снима натрапникот, а притоа го активира и алармот. И тоа не било каков аларм кој иритира, туку класична музика која е невозможно да се игнорира.
Како што напиша самиот Илон Маск, од загрозените Тесли ќе ечи Токата и Фуга на Бах, но во нешто помодерна верзија.
Tesla Sentry Mode will play Bach’s Toccata and Fugue during a robbery (and keep Summer safe)https://t.co/wnS5qLeB2E
— Elon Musk (@elonmusk) January 27, 2019
Но, ова не е единствената новина во автомобилите на Tesla откако ќе го добијат редовното надградување на софтверот.
Одговарајќи на молба на еден сопственик на Tesla, Муск го претстави и таканаречениот режимот за кучиња или Dog Mode, односно посебен начин на работа што треба домашните миленици (и децата) во автомобилот да ги заштити од прегревање.
Can you put a dog mode on the Tesla Model 3. Where the music plays and the ac is on, with a display on screen saying “I’m fine my owner will be right back”?
— Josh Atchley (@nynex) October 19, 2018
Така, сопствениците на автомобили ќе можат безбедно да ги остават своите миленици, да им го вклучат радиото и климатизацијата, а на сите загришени ќе им даде јасна порака на екранот „Јас сум во ред, сопственикот е во близина“.
Сè уште не е јасно дали овие опции ќе бидат бесплатни за сопствениците на автомобилите на Tesla, но тоа покажува колку Маск и екипата ги слушаат своите клиенти.