Škoda е најуспешниот бренд на „Auto Trophy 2022“
Со вкупно пет награди, Škoda e најуспешниот бренд во овогодинешното издание на „Auto Trophy 2022“, спроведена од трговскиот магазин Auto Zeitung
KAMIQ е на врвот на листата на „увезени теренци под 30.000 евра“, додека ENYAQ iV е на чело во категоријата „увезени електрични теренци под 50.000 евра“. Според гласовите на читателите, SUPERB е на прво место во две категории: победник во „класата со средна големина“ и „најдобар сооднос цена-перформанси“. Деветти пат по ред, според гласовите на читателите, ŠKODA е најдобар увозен бренд. Еден од десет испитаници ја смета ŠKODA за „најдобар увозен бренд“.
Во овогодинешното издание на AutoTrophy 2022 на магазинот Auto Zeitung, учество земале 16.657 читатели и онлајн корисници. Тие ги избрале победниците од вкупно 226 модели и 95 брендови во 32 категории.
Омилениот градски SUV – ŠKODA KAMIQ најдобар во категоријата „Увезен SUV под 30.000 евра“
Во категоријата „увезен SUV до 30.000 евра“, ŠKODA KAMIQ е пред конкуренцијата со 16,3% од гласовите. Градскиот SUV ги комбинира најдобрите карактеристики на теренец, вклучително и повисока позиција на седење и зголемено меѓуоскино растојание со агилноста на компактното возило и емотивниот дизајн на марката.
ENYAQ iV број еден во категоријата „Увезен електричен SUV под 50.000 евра“
Според гласовите на читателите ŠKODA ENYAQ iV е на прво место меѓу „увезените електрични теренци под 50.000 евра“. Со 20,51%, еден од пет гласови биле за водечкиот електричен предводник на чешкиот производител на автомобили. Со простор за удобно сместување на пет лица и капацитет на багажникот од 585 литри, кој се зголемува на 1.710 литри со склопени задни седишта, ENYAQ iV е идеален секојдневен придружник за семејствата. Во зависност од верзијата, има досег до 544 километри во циклусот WLTP, а со кратки времиња на полнење е одличен избор за долги патувања.
Две награди за ŠKODA SUPERB
Читателите на Auto Zeitung се импресионирани од сеопфатната опрема на ŠKODA SUPERB, ефикасните системи за возење и пространоста по која се познати автомобилите на ŠKODA па отука и две заслужени награди на „Auto Trophy 2022“. SUPERB обезбедил речиси еден од четири гласови (24,56%) во категоријата „Увоз од средна класа“. Дополнително, со 24,77% од сите гласови, е на првото место во категоријата „Најдобар сооднос цена-перформанси“.
ПР текст