Shell нема да продава нафта и бензин веќе од 2050 година
Холандскиот нафтен гигант објави вест која радикално ќе ја промени иднината на компанијата. Веројатно иднината на целата нафтена индустрија
Како една од првите компании во овој сегмент, тие најавија дека имаат намера активно да започнат со намалување на емисиите на јаглерод во наредните години, како во нивниот бизнис, така и во производите, а до 2050 година се очекува да станат компанија целосно неутрална на јаглерод. Три горива се на нивната агенда. Водородот има предност во однос на електричната енергија и биоенергијата. Се чини дека Shell по секоја цена сака да го реализира планот и да започне интензивно прилагодување на употребата на алтернативни извори на енергија, пред се на електрична енергија.
Според британскиот BBC, Shell бележи пад на продажбата на нафтени производи, иако во 2019 година постигна апсолутен рекорд во повеќе од 110-годишната историја на компанијата. Сепак, поради зголемениот број електрични возила, побарувачката за нафтени деривати се очекува да падне во наредните години. Shell одлучиле да се променат на време, а крајната цел е да ги елиминираат фосилните горива од нивните продажни пунктови најдоцна до 2050 година или за помалку од три децении.
Дали во следните години ќе престанат да продаваат течни горива и ќе преминат на дистрибуција на електрична енергија? Не уште 29 години, но полека ќе се преминува на енергија од обновливи извори. Тие ќе се фокусираат на дистрибуција на разни форми на чиста енергија, обрнувајќи големо внимание на биогоривата и водородот, два обновливи извори на енергија, кои исто така се поддржани од нивните инвеститори. Како резултат, се очекува Shell да инвестира во нови проекти за обновлива енергија во следните години.
Електричната енергија, барем се чини така, дури и ќе биде занемарена во споредба со другите извори. Барем засега, Shell не се брза да добие чиста електрична енергија од сончевата и ветерната енергија, а многу повеќе интерес, од друга страна, покажува директорот на компанијата Бен ван Беурден за водородот. Покрај тоа, се предвидува дека Shell може да постигне удел на пазарот измерен со двоцифрен број. Во меѓувреме, сепак, се очекува Shell да го зголеми бројот на електрични полначи од 60.000 на 500.000 ширум светот до 2025 година.
Додека Shell се чини дека е целосно сериозен во однос на своите планови, сепак наидува на лавина критики од Greanpeace, кој, наводно, открил некои недостатоци во плановите на компанијата, обвинувајќи ја компанијата за префрлање на одговорноста за неутралност на јаглеродот кон потрошувачите. Вистината ќе ја дознаеме многу брзо.