Секој трет автомобил продаден во светот во 2030 година ќе биде електричен
До крајот на следната деценија, на годишно ниво во светот ќе се продаваат 31,1 милиони електрични автомобили, вели една нова студија
Според истражувањето спроведено од Deloit, веќе во 2030 година, третина од новорегистрираните возила во светот ќе бидат со електричен погон.
Во истата студија се наведува дека таа година на глобално ниво до клиентите ќе бидат испорачани 31,1 милиони електрични автомобили, што е дури 10 милиони повеќе од прогнозата направена во јануари 2019 година.
Истражувачите на Deloit во студијата исто така тврдат дека продажбата на возила со SUS мотори веќе го достигнала својот историски врв и сега полека опаѓа, пренесува Autocar.
Иако се очекува глобалната продажба на автомобили нивото од пред пандемијата да го достигне дури во 2024 година, се предвидува дека 2,5 милиони електрични автомобили ќе бидат испорачани ширум светот веќе оваа година, што е за 29% повеќе отколку во 2019 година.