Само 150 парчиња: Претставен уникатниот Mercedes – Maybach S-Class од дизајнерот Вирџил Абло / ФОТО
Во декември минатата година, Mercedes-Benz го најави заедничкиот проект со основачот на линијата Off-White Вирџил Абло, наречен Project Maybach. Четири месеци подоцна, компанијата повторно почна да зборува за оваа соработка.
Заедно со колекцијата на облека и додатоци, претставен е и седанот Mercedes ‑ Maybach S680 во ограниченото издание наречено Maybach by Virgil Abloh, чија работа беше завршена уште пред трагичната смрт на дизајнерот. Автомобилот ќе се произведе во само 150 примероци, а ќе се продава само во онлајн продавниците на Off ‑ White, Farfetch и Maybach Icons of Luxury, како и во продавниците на Off ‑ White.
Седанот Mercedes‑Maybach S680 by Virgil Abloh е обоен во комбинација од две бои, создадени специјално за 6-метарскиот автомобил. Калниците, браниците, вратите и лиените бандажи се изработени во боја на песок. Предниот капак, покривот и капакот на багажникот – во сјајна црна боја Obsidian Black.
Слична шема на бои е избрана и за салонот, обложена со напа кожа. Логото на Mercedes-Maybach и Virgil Abloh се присутни на главната конзола, потпирачите за глава и праговите. Новина е и графиката на медија системот MBUX: на специјалната верзија наместо копчето „home“, присутно е логото на профилот.
Исклучително дарежливата основна опрема на автомобилот вклучува тенда за автомобилот и специјална кутија обложена со вистинска кожа која содржи мал модел на автомобилот во размер 1:8, два клуча и привезок.
Под хаубата, како и досега, се наоѓа битурбо V12 6.0 моторот, кој развива 612 коњски сили и 900 Nm вртежен момент. Менувачот е 9-степен автоматски.
Специјалната верзија Mercedes ‑ Maybach S680 е третиот и последен проект на Mercedes-Benz и Вирџил Абло. Светски познатиот дизајнер почина минатата година. Друг негов проект е Project Geländewagen.