Решение за огромните залихи: Норвежаните добиваат гориво од стари гуми!
Во јануари 2022 година на компанијата Wastefront и е дадено зелено светло за изградба на фабрика за рециклирање гуми вредна 100 милиони фунти во Сандерленд, Велика Британија
Норвешката компанија за рециклирање отпадни гуми, Wastefront As, добила грант од 2 милиони евра за развој на процес на прочистување на масло базиран на катализаторскиот процес. Поддршката од Eureka Eurostars, програма за финансирање на деловна соработка во комерцијализација на иновативни производи, е доделена на Hyfuel, заеднички проект помеѓу Wastefront и шведската компанија за хемиски инженеринг Hulteberg.
Како дел од проектот, компаниите имаат за цел да ја развијат технологијата за катализатор за прочистување на пиролизното масло извлечено од отпадните гуми. Иницијативата ќе му овозможи на Wastefront да оптимизира некои од карактеристиките на маслото добиено од гуми за да го направи соодветна замена за дизел горивото како биогориво.
Со оваа инвестиција, Wastefront објави дека ќе го забрза развојот на ефективни решенија за проблемите со огромни количини отпадни гуми и научни процеси за да се создаде „кружна економија на гуми“. Поддржан од енергетскиот гигант Vitol, Wastefront во јануари оваа година доби дозвола за изградба на фабрика за рециклирање гуми од 100 милиони фунти (120 милиони евра) во Сандерленд, која треба да биде комерцијално оперативна до 2025 година.