Премиера: Audi TT RS 40 Years of Quattro / ФОТО
Audi претстави специјална верзија на Audi TT за германскиот пазар по повод 40-годишнината од постоењето на легендарниот модел Ur-Quattro
На Саемот за автомобили во Женева во 1980 година, Audi претстави модел кој се здоби со статус на легенда во светот на рели-конкуренцијата. Тоа е моделот Quattro, камен-темелник за високи перформанси.
Четири децении подоцна, TT RS добива специјална верзија наречена 40 Years of Quattro со која Audi ја слави оваа годишнина. Верзијата е направена само за Германија и ќе се произве во само 40 примероци, по еден за секоја година од постоењето.
Audi TT RS 40 Years of Quattro е обоен во алпско бела боја, а добил и специјални налепници инспирирани од оние на Audi Sport quattro S1, легендарниот рели автомобил.
Под хаубата се наоѓа истиот мотор со пет цилиндри со турбо полнач, кој развива 394 КС и 480 Nm вртежен момент. Основната верзија ќе чини 66.500 евра, а специјалниот модел 114.040 евра.