Porsche го зголемува својот удел во Rimac
Германската компанија Porsche би можела значително да го зголеми својот удел во капиталот на хрватската компанија Rimac, како дел од поширокиот аранжман постигнат помеѓу француската марка Bugatti и производителoт на електрични хиперавтомобили
Целата деловна комбинација се одвива во зоната на директно и силно влијание на групацијата Volkswagen.
Споменатиот концерн наскоро треба да донесе одлука за судбината на Bugatti и разумно е да се очекува одлука до средината на годината. Гласините велат дека францускиот бренд ќе прејде под контрола на хрватската компанија Rimac во замена за поголем удел што Porsche треба да го добие во таа компанија. Разговорите на оваа тема траат подолго време, но сè уште нема договор, па се претпоставува дека заинтересираните страни „сè уште ги влечат конците“ чија визија ќе преовладее во најавената размена.
Според Automotive News Europe, сопственикот и извршен директор на хрватската компанија, Мате Rimac, неодамна изјави дека разговарал со Porsche и дека имало дебата за стратешка инвестиција што треба да се заврши во следните два или три месеци. Врз основа на тоа, се очекува Rimac да добие финансиска инјекција во износ од 130 до 150 милиони евра.
Rimac вели дека на тој начин уделот на Porsche во капиталот на хрватската компанија ќе биде значително зголемен, но дека сепак нема да достигне 50%, како што објавија некои медиуми.
„Понатамошното проширување на соработката со Porsche сигурно ќе го зајакне нивното влијание, но Rimac ќе остане независна компанија, како што беше досега“, тврди Мате Римац.
Хрватите се партнери и со следниве брендови: Aston Martin, Koenigsegg, Renault и Hyundai. Корејците поседуваат 14% од капиталот на Rimac, така што независноста за која зборува Мате Римац значително бледнее, но од друга страна го зајакнува финансискиот потенцијал на компанијата.