Освежување за Toyota Corolla / ФОТО
Toyota Corolla е еден од најважните модели на Toyota. Ова секако не изненадува, ако се земе во предвид дека од 1966 година, годината кога на светот му беше претставена првата генерација, продадени се повеќе од педесет милиони примероци
Toyota сега се подготвува да ја лансира рестилизирана верзија на тековната итерација во 2023 година. Ажурирањето ќе се одрази првенствено на затегнување на борите на лицето на компактот, и ќе донесе и инаугурација на новиот хибриден систем на Toyota кој дава поголема моќност, а истовремено ја намалува потрошувачката и емисиите на јаглерод диоксид.
Рестилизацијата се однесува на сите членови на семејството Corolla, без разлика дали станува збор за хечбекот со пет врати, караванот Touring Sports, спортската верзија GR или седанот со четири врати.
Кога станува збор за дизајнот на автомобилот, всушност станува збор за едноставни модификации на решетката на ладилникот, рамките на светлата за магла, алуминиумските тркала, додека на рабовите се појавуваат нова графика и релјефни шари.
Верзијата GR Sport има нови алуминиумски фелни со дијаметар од 18 инчи, нов заден браник со редизајнирана долна заштита, а во возилото се наоѓаат нови седишта со логото GR втиснато во потпирачот за глава, како и на копчето за стартување на мотор… Се појавуваат и две сосема нови бои на каросеријата: Juniper Blue и Atlas Grey.
Она што е најважно сепак се модификациите под хаубата. Со ажурираната Corolla доаѓа новата, петта генерација на хибридниот мотор на Toyota, чиј прв претставник дебитираше пред 25 години со првиот Prius.
И понатаму се тука двата хибридни системи, еден со 1.8-литарски мотор, а другиот со 2.0-литарски мотор. Се разбира, бидејќи погонската група е хибридна, и двете термални единици имаат поддршка од електромотор. Модификациите направени на овие две енергетски единици се значајни. Така, вкупната моќност на системот, кој се базира на 1,8-литарски мотор, се зголемува од 122 на 140 КС, додека кај 2.0-литарскиот мотор од 184 КС се искачува на 196 КС.
Овие зголемувања на моќноста јасно овозможуваат клиентите на Toyota да видат подобрени перформанси. Опремена со нов 1.8-литарски мотор, Toyota Corolla забрзува од 0 до 100 km/h за 9,2 секунди – 10,9 секунди пред ажурирање. Штетните емисии на CO2 генерирани од работата на моторот на оваа верзија треба да останат непроменети, односно на ниво од 102 g/km.
Со дволитарскиот мотор, хибридот од нула од 100 km/h стигнува за 7,5 секунди, што е подобрување за половина секунда, додека емисијата на CO2 треба да се намали за 3 g/km или 107 g/km.
Сите овие достигнувања се овозможени со модификации на бензинските мотори со внатрешно согорување, а исто така и електричните, како и погонските контролни единици (PCU) и менувачката кутија.
Конечно, литиум-јонската батерија изгубила на тежина, речиси 18 килограми, а од друга страна, нејзиниот капацитет за задржување на енергија е зголемен. Од Toyota прецизираат дека забрзувањата сега се со повеќе чувство на природност, односно со помала линеарност. Ова може да се каже и на начин дека забрзувањето сега се одвива повеќе во согласност со очекувањата на возачот кој притиска на педалата за гас.
Покрај подобрувањата во перформансите, Toyota Corolla има право на најновите достигнувања кога станува збор за централниот мултимедијален систем од 10,25 инчи (26 сантиметри) со графика со висока дефиниција и антирефлективен третман.
Ажуриранaта Toyota Corolla ќе понуди и дигитална инструмент табла со дијагонала од 12,3 инчи (31,4 сантиметри) со четири достапни режими на гледање: секојдневен, паметен, спортски и тежок. За да се реализира идејата за ажурираната навигација, новата Toyota Corolla стандардно ќе биде опремена со четиригодишна претплата на услугата Toyota Smart Connect за да добива ажурирања во реално време. А возачот исто така ќе може да го користи новиот гласовен асистент за контрола на мултимедијалниот систем и одредени функции на возилото.
Конечно,тука се и подобрувањата кај безбедноста и помошта при возење. Така, помошникот за одржување на патот во рамките на сообраќајната лента сега може да реагира на возилата што доаѓаат од спротивната страна, а има и помош за избегнување судир кога возилото врти на раскрсница. Вреди да се нагласи присуството на асистент за намалување на брзината во свиоци и избегнување странични судири, а има и други новини во согласност со овој момент на развој на индустријата за производство на автомобили.
ФОТО ГАЛЕРИЈА
[useyourdrive dir=”1Pt1Hqc-h1XYpvTe1W9WZ77qdQo-pytpm” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Новата Toyota Corolla ќе биде пуштена во продажба во првиот квартал на 2023 година.