Официјално: Volkswagen го претстави Nivus / ФОТО+ВИДЕО
Volkswagen ја збогати својата понуда на јужноамериканскиот пазар со помал SUV-Coupe модел под име Nivus
По пласманот во Јужна Америка, оваа новина подоцна својот пат ќе го најде и на други пазари, вклучувајќи го и европскиот од 2021 година.
Volkswagen Nivus се базира на MQB A0 платформата, а се наведува дека автомобилот е долг 4.266 mm и има меѓуоскино растојание од 2.566 mm. Волуменот на багажниот простор е 415 литри.
За почеток, во понудата за Бразил ќе има 1.0 TSI 3-цилиндерски бензински мотор со 116 КС или 128 КС (етанол), а ќе биде достапен во пар со 6-степен автоматски менувач. Сега за сега, погон на четири тркала не е достапен.
Опремата ќе вклучува и LED задни светла, 17-инчни алуминиумски тркала, 10,1-инчен мултимедијален систем, старт-стоп систем, автоматски систем за сопирање и електрично отворање на вратата од багажниот простор.
[useyourdrive dir=”1p3PEivdzpVq8McrwpGczH3StdO2J9Z6X” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
За потребите на јужноамериканскиот пазар, автомобилот ќе се склопува во фабриката São Bernardo do Campo во Бразил, а во Европа за прозводство ќе биде надлежна фабриката во Шпанија.
Кога станува збор за понудата во Европа, моторната гама се очекува да вклучува 1.0 и 1.5 TSI бензинци, како и дизел 1.6 TDI.