Крај на шпекулациите. Ботас останува во Mercedes

По многу шпекулации, се чини дека Тото Волф и неговите соработници решиле да го задржат „мирот“ во тимот и да ја продолжат соработката со финскиот возач, кој рака на срце многу чесно и одработува сите обврски.

„Пред почетокот на 2018 година, поставивме цел Валтери да биде подобар во 2019 година. Во тоа и успеа, а тој го имаше најдобриот почеток на сезоната досега. Ние сакаме тој така и да продолжи – по нагорна линија. Тој е гладен за успех, како и целиот тим. Ние сакаме да одиме напред заедно. Валтери беше многу важен фактор во освојувањето на претходните првенства. Тој е тимски играч и има добри односи со Луис. Задоволен сум што тој останува во тимот уште една сезона и сакаме да постигнеме подобри резултати заедно “, вели Тото Волф.

„Среќен сум што сум дел од овој одличен тим веќе четврта година. Секоја сезона станувам се подобар и подобар. Направив фантастичен почеток на сезоната оваа година, но сакам да постигнам уште повеќе. Мојата цел е да бидам светски шампион и мислам дека само co Mercedes може да го постигнam тоa. Сега сакам да се концентрирам на преостанатите девет трки каде што сакам да постигнам уште подобри резултати, вели Валтери Ботас.

Loading...