Нов план на FCA за Alfa Romeo: Alfa 8C, GTV и два нови SUV модели до 2022
Alfa Romeo го претстави новиот петгодишен план за освежување и проширување на моделната гама
Меѓу новините планирани до 2022 година е и познато име од минатото на Alfa Romeo – спортскиот модел 8C. Ознаката која датира уште од 30-те години на минатиот век последен пат беше употребена во 2007 година за 8C Competizione.
Alfa Romeo овојпат 8C ќе го обнови во форма на купе со централно поставен бензински мотор кому ќе му асистира електричен мотор на предната оска. Комбинираната моќност на автомобилот ќе биде вкупно над 700 „коњи“, а благодарение на лесната карбон конструкција, од 0-100 km/h ќе стигнува за помалку од 3 секунди.
Alfa Romeo планира да обнови уште една ознака од минатото – GTV (Gran Turismo Veloce). Овој спортски модел со 4 седишта ќе биде достапен со погонски систем кој произведува над 600 КС, исто така, благодарение на асистенција на електрична компонента.
Меѓу новите модели, кои се предвидени во петгодишниот план е и нова Giulietta, потоа варијанта на моделите Giulia и Stelvio со продолжено меѓуоскино растојание (најверојатно за кинескиот пазар), како и два нови кросовер / SUV модели – една помал и една поголем од Stelviо.
До 2022 година, Alfa Romeo на клиентите планира да им понуди и 6 plug-in хибридни верзии на своите модели.
Италијанскиот производител дефинитивно го потврди укинувањето на моделот MiTo.
ФОТО ГАЛЕРИЈА
[useyourdrive dir=”1oz1Ln78lAK3b4TFHtDLVCzsrOjRy8G4d” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showsharelink=”1″ showrefreshbutton=”0″ search=”0″ showbreadcrumb=”0″]