Напаѓачот на Јувентус се почести со Lamborghini / ФОТО+ВИДЕО
Аргентинскиот ас на Јувентус – Пауло Дибала, стана нов сопственик на Lamborghini Aventador во кабриолет издание
Попрецизно, Дибала се почастил со Aventador S Roadster во карактеристична жолта боја. Причината за купување на ваков суперавтомобил не се 100-те постигнати голови во дресот на тимот од Торино, како што погрешно објавија многу странски медиуми. Имено, автомобилите на Lamborghini се чекаат доста долго кога ќе имаат толку посебна конфигурација како што порачал Дибала.
Ова значи дека аргентинскиот фудбалер својот примерок го нарачал одамна, а тоа што испораката се поклопила со 100-те голови е само случајност, но секако и интересен момент.
Малку се оние кои успеваат да ги исполнат своите желби од детството, но тоа не може да се каже за 27-годишниот напаѓач на италијанскиот тим кој вчера го презел неговиот Lamborghini Aventador. Откако влегол во автомобилот, тој рекол дека неговиот детски сон е да поседува еден од моделите на Lamborghini.
Колку Дибала платил за ова задоволство останува мистерија, бидејќи е тешко да се процени колку е долг списокот на опции, кој може значително да ја зголеми цената на автомобилот во споредба со стандардното издание.
Пауло Дибала е член на Јувентус од 2015 година, а на 12 мај со погодок против Сасуоло стигна до јубилејниот стоти погодок за тимот од Торино. Во исто време, Дибала е првиот играч надвор од европскиот континент кој ја достигнал споменатата бројка во дресот на Јувентус.