Листа на категории

Сопствениците на електрични автомобили се незадоволни од инфраструктурата на станици за полнење

Студија на научници од Калифорнија, државата во која се наоѓа седиштето и главната фабрика на Tesla, покажува на тоа дека скоро 20% од сопствениците на електрични автомобили, по нивната продажба, повторно се враќаат на автомобилите со традиционален мотор со внатрешно согорување.

Според студијата, секој петти сопственик на електрифицирано возило е многу разочаран, а причината е скоро секогаш иста – лошата инфраструктура и недоволно станици за полнење. Многу битен момент е тоа што студијата се однесува на Калифорнија, која е лидер по бројот на станици за полнење во САД.

Студијата вклучува податоци за жителите на државата Калифорнија кои поседувале plug-in хибридни возила и електрични автомобили во периодот 2012-2018 година. Разликата во индикаторите за задоволство помеѓу двата типа на автомобили е многу мала – кај plug-in хибридните автомобили 20% од сопствениците се свртуваат кон традиционалните возила, а кај електричните – 18%.

Покрај малиот број на станици за полнење, жителите на Калифорнија се жалат и на комплицираната инсталација на домашен терминал за електрифицирани автомобили.

• plug-in хибрид
• Tesla
• електрични автомобили
• инфраструктура
• Калифорнија
• станици за полнење на електрични автомобили