Моторот на бродот Ever Given кој го изблокира Суецкиот канал е поголем од многу куќи
Погонот на Ever Given е моќен дизел мотор од 80.635 метрички коњски сили, поголем од просечна куќа.
Големиот контејнерски брод кој го „изблокира“ Суецкиот канал конечно исплови. Додека излегуваше кон морето, загрме и неговиот громогласен колосален двотактен дизел со 11 цилиндри.
Бродот Ever Given е контејнерски брод долг 400 метри, кој може да носи максимум 20,124 еквивалентни единици од дваесет стапки (TEU). Според Freight Right, TEU е начин да се измери капацитетот на бродот преку употреба на стандардизирани големини на контејнери.
Според Marine Insight, на Ever Given му недостасуваат само 4.000 TEU за да биде рамо до рамо со најголемите бродови за контејнери во светот. Можеби не е најголем, но не е ниту „брод“. Затоа не е изненадување што се напојува мотор со големина на мала куќа.
Скриен длабоко во коритото, станува збор за двотактен дизелаш Mitsui-MAN B&W 11G95ME-C9. Оваа единица номинално испорачува 80.635 коњски сили при само 79 вртежи во минута и користи мазут или дизел како гориво. Моторот го придвижува пропелерот лоциран на задниот дел од бродот и обезбедува брзина од 22,8 јазли (42 km/h).
Се разбира, не целиот товар лежи на неговите „раменици“, бидејќи има уште два мотори потиснувачи секој со по 3.450 КС, кои помагаат во маневрите околу пристаништата. Моторот е вистински „нилски коњ“, а колку е навистина голем, можете да видите на приложената фотографија – 11G95ME-C9.5 од истото семејство.
Предноста на серијата MAN B&W ME-C е тоа што е компактна по големина и има електронска контрола. Како гориво може да се користи и пропан, природен гас, метанол или етанол.
Ако се прашувате за ознаката и што значат сите овие големи букви, еве го одговорот на тоа како MAN ги обележува своите единици:
Она што е можеби најмногу изненадува е дијаметарот на клипот – 95 сантиметри. За споредба, најголемиот мотор на светот, Wärtsilä RT-flex96C, има дијаметар на клипот од 96 сантиметри.
Иако нема податоци во врска со димензиите и тежината, Светскиот бродски совет вели дека моторите на товарни бродови можат да достигнат до 2.300 тони. Деловите како што се клиповите може да тежат 5.500 килограми. Нивната висина е неколку ката и тие се подолги од камион со приколка.
За жал, иако се апсолутно фасцинантни, тие имаат еден голем недостаток. Имено, товарните бродови се големи загадувачи. Меѓународниот совет за чист транспорт (ICCT) вели дека меѓународниот бродки транспорт емитува СО2 како една развиена земја. Еве што вели BBC: „Според Меѓународниот совет за чист транспорт, независна истражувачка организација за заштита на животната средина, меѓународниот бродски транспорт испорачал 812 милиони тони јаглерод диоксид во 2015 година. Од ICCT велат дека ако се третира како земја, меѓународниот транспортен транспорт би бил шестиот најголем емитувач на СО2 во 2015 година“.
Сепак, овие бродови пренесуваат добар дел од товарот во светот. Многу е веројатно дека уредот на кој го читате овој текст пловел по морињата на светот се додека не стигнал до вас.
За среќа, загадувањето полека но сигурно се намалува бидејќи бродовите стануваат поефикасни и користат сè позелени технологии.