MotoGP: Голем инцидент и победа на Маркес во Херес
Возачот на Repsol Hondа, Марк Маркес е победник на Големата награда на Шпанија која се возеше на патеката во Херес
Трката ја одбележа големиот инцидент помеѓу Хорхе Лоренцо (Ducati), Андреa Довициозо (Ducati) и Дани Педроса (Repsol Honda) на осум круга до крајот.
Веднаш по стартот Хорхе Лоренцо, кој започна како четврти по квалификациите, ја поведе колоната, следен од Дани Педроса и Жоан Зарко. Освојувачот на пол позицијата Кал Крачлоу брзо падна на четвртото место. Веќе во вториот круг, Маркез успеа да ги мине Крачлоу и Зарко, а во почетокот на следниот и неговиот клубски колега Педроса. Во седмиот круг Британецот Крачлоу излета од патеката, а тоа го искористи Довициозо за да стигне до четвртата позиција.
По два круга Маркез за првпат го презеде водството од Лоренцо. Секунда подоцна Довициозо го мина Педроса и излезе трети зад клупскиот колега Лоренцо кој потоа долго време одолеваше на нападите на Довициозо. Во 13-от круг од трката испаѓа дебитантот Томас Лути, а Маркес за „влакно“ ќе ја доживееше истата судбина, но со одличен маневар успеа да остане во трката.
Major moment for @marcmarquez93 ?
The champ gets loose on gravel kicked up on the circuit!#SpanishGP pic.twitter.com/T15Q8V3aD0
— MotoGP™??? (@MotoGP) May 6, 2018
Во голема борба за второто место, на осум круга до крајот, Довициозо го нападна тимскиот колега Лоренцо, но во целата битка се вмеша и Педроса, кој се обиде да ги помине двајцата од внатрешната страна на патеката. Токму тогаш доаѓа до судир помеѓу Лоренцо и Педроса, во кој страда и Довициозо, за сите тројца да завршат надвор од патеката. Инцидентот Маркес го остави осамен на првото место, и полесно од очекуваното дојде до триумф на патеката во Херез.
Skittles. #SpanishGP #motogp pic.twitter.com/S9iCgf52jq
— Philip (@MajorBollocking) May 6, 2018
Ова беше втора сезонска победа за актуелниот шампион во кралската класа по која се зголеми и неговата предност пред Довициозо во генералниот поредок.
#Flossing ?@marcmarquez93 busts out the moves yet again ?#SpanishGP #SwishSwishBish pic.twitter.com/zrbN5I6GrP
— MotoGP™??? (@MotoGP) May 6, 2018
Од предвремениот крај на трката за Довизиозо, Лоренцо и Педроза, профитираа возачите кои заостануваа. Втор низ целта помина Жоан Зарко (Yamaha), пред третопласираниот Андреа Јаноне (Suzuki) и четвртиот Данило Петручи (Pramac) односно петтиот Валентино Роси (Yamaha).
Првата десетка ја комплетираа Милер (Ducati), Вињалес (Yamaha), Баутиста (Ducati), Морбидели (Honda) и Калио (KTM).
РЕЗУЛТАТИ
ГЕНЕРАЛЕН ПЛАСМАН
