Мал електричен кросовер ќе го спасува Alfa Romeo
Идниот Palade ќе биде преставен во 2022 година заедно со поголемиот Tonale
Италијанскиот производител Alfa Romeo моментално е на „апарати за дишење“ и итно му треба лек за да го извлече од тешката состојба. Вкупната продажба на марката во 2020 година падна на жални 35.718 примероци, што е прилично лош резултат. За споредба, за истиот период Porsche продал 34.328 примероци само од моделот 911.
Вината за таквиот резултат сигурно не е пандемијата со Covid-19, бидејќи резултатите на брендот почнаа да паѓаат и пред тоа. Новиот сојуз Stellantis му даде на брендот 10 години за да работите да тргнат во позитивна насока, а едно од главните оружја за остварување на тоа е мал кросовер, пренесува Carscoops.
Факт е дека на Alfa Romeo очајно и треба нов производ. Приказната на хeчбекот Mito базиран на Fiat Punto заврши на почетокот од 2019 година, а по него и Giulietta во 2020 година. Така, во гамата останаа само тешко продаваните седан Giulia и теренецот Stelvio. Компанијата се откажа од планираното купе GTV, кое сигурно не може да биде спас, а дилерите сакаат две работи – мал кросовер и електричен погон.
И двете работи се пред случување. Веќе е познато дека кросоверот Tonale ќе се појави во сериско производство во 2022 година, а ќе мора да им конкурира на BMW X1 и Audi Q3. Неговата концептна верзија беше прикажана уште во 2019 година, а сериската верзија ќе биде достапна со конвенционален мотор и хибриден погон (PHEV). Така овој модел ќе стане првиот електрифициран модел на Alfa Romeo.
Сепак, Tonale нема да биде достапен со електричен погон. Оваа чест ќе му припадне на мал кросовер кој ќе се појави во 2022 година. И бидејќи Stelvio и Tonale се именувани по голем и среден алпски врв, малиот кросовер ќе го носи името на помал врв – Palade. Негов главен конкурент на пазарот ќе биде Audi Q2.
Познато е дека Palade ќе биде изграден на платформата Peugeot-Citroën eCMP, до која Alfa Romeo доби пристап по спојувањето на PSA и FCA за формирање на Stellantis. Ова е истата платформа што веќе се користи во неколку мали хечбек модели со погон на предните тркала, како и SUV модели, вклучувајќи ги Peugeot 208 и 2008, DS 3 Crossback, Opel Corsa и Mokka. Платформата ќе обезбеди меѓуоскино растојание од 2.600 mm на новиот модел.
За разлика од овие модели, сепак, Alfa ќе понуди погон на четири тркала, благодарение на електромотор на задната оска. Новиот „бејби“ SUV ќе биде помал од моделот Jeep Renegade, a ќе се склопува во фабриката на Fiat во Полска.
Тековните модели на платформата CMP се достапни и со конвенционални мотори со внатрешно согорување и како електрични возила, па затоа Palade нема да биде исклучок. Ова значи дека 1.2-литарскиот турбо-мотор со 3 цилиндри ќе се појави под неговата хауба. И додека Audi Q2 во најслабата верзија е со 109 КС, може да се очекува дека моделот Alfa ќе го промаши PSA моторот со 98 КС. и ќе биде достапен само со 128 КС. Менувачите ќе бидат 6-брзински мануелен и 8-степен автоматски.
Покрај тоа, ќе има и дизел верзија, бидејќи во Европа ваквите модели сè уште се бараат, што значи дека Palade ќе добие 1.5-литарски PSA мотор со 118 КС, што е достапен за Peugeot 2008. Она што не е јасно е дали ќе има спортска верзија.
Сепак, главниот фокус е ставен на електричната верзија, која ќе биде првиот електричен автомобил на Alfa Romeo. Нејзините спецификации веројатно ќе одговараат на оние на Peugeot e2008, што значи електричен мотор со моќност од 134 КС и погон на предните тркала. Батеријата со капацитет од 50 kW / h треба да обезбеди опсег од 320 километри и забрзување од 0 до 100 km/h за 8,5 секунди. Сепак, можно е Италијанците да ги изненадат сите и да понудат SUV со два мотори и погон на четири тркала.