Land Rover, Range Rover, Road Rover
Land Rover и Range Rover веќе долго време се синоним за британската автомобилска индустрија, а сега кон ова семејство ќе се приклучи и Road Rover
Според островските медиуми, Land Rover го заштитил правото на името Road Rover, кое планира да го користи во иднина.
Брендовите често ги заштитуваат имињата кои некогаш би ги користеле, а во овој случај се претпоставува дека Land Rover веќе има планирано возило кое ќе биде наречено Road Rover.
Една од опциите е првиот целосно електричен Land Rover планиран за 2020 година. Тоа ќе биде премиум ЕВ-модел чии примарни пазари ќе бидат Кина и САД.
Првиот Road Rover треба да биде конкурент на Mercedes-Benz S класата во смисла на луксуз и внатрешно уредување, но со способност да вози и надвор од патот.