Колку тркачките инциденти во Formula 1 ги чинеле тимовите во изминатата сезона? Мик Шумахер предводник на листата
Се појави листа на десетте најскапи инциденти во последната сезона
Јасно е дека на тимовите им е многу тешко кога ќе ги видат своите возачи во инцидент или уште полошо во судир, каде што безбедноста е секако прв приоритет, но во изминатите две сезони со воведеното правило за контрола на буџетот , оштетувањето на болидите може да влијае и на самиот развој. Така порталот Racingnews365 излезе со листа на неколку од најскапите тркачки инциденти во 2022 година.
На прво место е Мик Шумахер, чија несреќа на квалификациите во Саудиска Арабија беше прогласена за целосна загуба и го чинеше американскиот тим 2.047.000 долари. На второто место е Гуанжу Џој, кој доживеа сериозен инцидент на стартот на Големата награда на Велика Британија, а поправката на неговиот болид на крајот чинела 1.897.000 долари. Саудиска Арабија, исто така, се покажа фатална за Николас Латифи, бидејќи тој заврши во ѕидот што го чинело Williams 1.165.000 зелени банкноти.
Во оваа категорија е и Луис Хамилтон, но на четврто место бидејќи за несреќата во Австрија, Mercedes одвоил 1.507.000 долари. Нешто помалку, односно 1.415.000 долари дал Alpine за да се поправи штетата на болидот на Окон во Мајами.
Конечно, кога ќе се повлече линијата, ова се бројките во долари што тимовите ги потрошиле на поправки на автомобили во 2022 година:
- Мик Шумахер – 3.952.000
- Николас Латифи – 3.389.000
- Џоу Гуанју – 2.934.000
- Карлос Саинц – 2.822.000
- Луис Хамилтон – 2.667.000
- Себастијан Фетел – 2.229.000
- Естебан Окон – 2.160.000
- Ленс Строл – 2.102.000
- Јуки Цунода – 1.400.000
- Фернандо Алонсо – 1.355.000
- Џорџ Расел – 1.337.000
- Александар Албон – 1.325.000
- Шарл Леклер – 1.297.000
- Серхио Перез – 1.147.000
- Пјер Гасли – 1.115.000
- Даниел Рикиардо – 875.000
- Ландо Норис – 605.000
- Кевин Магнусен – 505.000
- Макс Верстапен – 485.000
- Валтери Ботас – 442.000