Клучот на Tesla може да биде хакиран експресно!
Model Х, со цена од најмалку 90.000 евра, работи со радио-контролиран клуч за палење кој автоматски го отклучува возилото веднаш штом ќе му пријдете
Оние кои успеале да го хакираат клучот на Tesla за само неколку минути се истражувачи од Универзитетот во Левен (Белгија). Тие успеале да ја заобиколат безбедноста на автомобилот, да ја преземат контролата над автомобилот и да го одвезат со нив. Tesla набрзо потоа објави ново ажурирање на софтверот за да ги реши проблемите.
Model Х, со цена од најмалку 90.000 евра, работи со радио-контролиран клуч за палење кој автоматски го отклучува возилото веднаш штом ќе му пријдете. Работи преку Bluetooth Low Energy (BLE) сигналот кој го прима автомобилот. Сигналот го фаќа уред во автомобилот кој го контролира безбедносниот механизам на Tesla – електронската контролна единица (ECU). Истражувачкиот тим успеал да манипулира со софтверот кој се поврзува со ECU за да можат да го натераат уредот да верува дека има вустински клуч. Потоа биле доволни само неколку минути за да се украде автомобилот.
„Искористувајќи две слабости, можеме да украдеме автомобил за неколку минути. На растојание од пет метри испраќаме порака што го активира целниот клуч. Потоа на клучот можеме да испратиме наш софтвер за целосно да ја преземеме контролата над него. Оваа постапка трае една и пол минута и лесно може да се изврши на растојание од повеќе од 30 метри“ – објаснува истражувачот Бенедикт Гиерлих.
По хакирањето на клучот, можеме да добиеме пораки за отклучувањето за да го отвориме автомобилот. Потоа воспоставуваме врска со дијагностичкиот интерфејс на возилото. Потоа можеме да го поврземе прилагодениот клуч со автомобилот, да го стартуваме автомобилот и да возиме далеку.
Ова не е првпат истражувачи од Лувен да ја хакираат Tesla. Претходно успешно го имаат хакирано клучот од Model S.