Кинезите на прво место: Tesla повеќе не е најпродаваниот електричен автомобил во светот?!
Споредбата помеѓу BYD и Tesla не е целосно фер, бидејќи бројките за продажба на првата компанија не се однесуваат исклучиво на електрични возила
Благодарение на силните продажни бројки оваа година, може официјално да се потврди дека BYD е глобален лидер кога станува збор за возилата со нова енергија (NEV).
Оваа класификација на возила (NEV) се користи исклучиво во Кина и вклучува EV, PHEV и возила со водород, а во првите шест месеци од оваа година, BYD продал 641.350 такви возила. Ова е зголемување од 314,9 отсто на годишно ниво и го става кинескиот производител на автомобили пред Tesla, кој има продадено 564.000 EV модели во првата половина од годината, што само по себе е значителен пораст од 46 отсто во споредба со истиот период во 2021 година. .
Мора да се признае, споредбата помеѓу BYD и Tesla можеби не е целосно фер, бидејќи бројките за продажба на првата компанија не се однесуваат исклучиво на електрични возила.
Неодамна, на конференција на инвеститори, BYD откри дека е на пат да продаде помеѓу 1,1 и 1,2 милиони NEV модели оваа година, истакнувајќи дека таа бројка најверојатно ќе се состои од 600.000 EV и помеѓу 500.000 и 600.000 PHEV модели. Јуни се покажа како особено добар месец за производителот на автомобили, бидејќи продал дури 134.036 NEV, што претставува зголемување од 224 проценти во споредба со истиот месец минатата година (произведени 134.771 NEV во текот на месецот).
Car News China објави дека BYD Song е најпродаваниот модел на производителот на автомобили во јуни, со 32.077 продадени единици. Веднаш зад него е BYD Qin со 26.623 продадени примероци, следен од BYD Han со 25.439 и BYD Yuan со 19.731.
