Како да се заштитат патниците од секундарен судир?
Hyundai работи на систем од воздушни перничиња кој би овозможил нивно повторно активирање, со цел заштита на патниците од последиците од последователни судири кои можат да следат по иницијалната незгода
Според податоците на Националната агенција за безбедност во сообраќајот (NHTSA), во околу 30% од пријавените сообраќајни несреќи кои се случиле во периодот 2000-2012 година, возилата по иницијалниот претрпеле и секундарен судир.
Ова значи дека по првиот удар во возило или пречка, автомобилите имале контакт со секундарни објекти, како што се дрво, електричен столб, други возила и слично.
За разлика од сегашните системи на воздушни перничиња, кои не обезбедуваат заштита против таков секундарен судир, системот кој го развива Hyundai овозможува нивно повторно активирање во моментот на скундарен судир во препрека.
Од корејската компанија велат дека технологијата на која се заснова новиот систем на воздушни перничиња ја следи позицијата на патниците во салонот по првичниот судир, дозволувајќи им на перниците да реагираат брзо во случај на секундарно влијание, со што се спречуваат нови повреди на возачите и патниците.
Hyundai Motor Group овој иновативен систем на воздушни перничиња ќе го понуди во идните модели на брендовите Hyundai и Kia, кога неговиот развој ќе биде завршен, иако производителот не дава временска рамка во која тоа би се реализирало.