Истражување на Ј.D. Power: Новите автомобили се сè понеквалитетни!
Најголем дел од проблемите се поврзани со инфозабавните системи, а системите за помош при возење често предизвикуваат проблеми
Новите автомобили имаат се повеќе недостатоци, покажува годишното истражување на организацијата за заштита на потрошувачите J.D. Power. Истражувањето е спроведено со 84.165 американски купувачи на автомобили, но е значајно и на глобално ниво. Резултатите од истражувањето за задоволство никогаш не биле толку лоши.
Истражувањето покажало дека на 100 автомобили биле идентификувани 180 проблеми или во просек 1,8 проблеми по автомобил. Ова е зголемување од 11 отсто во однос на претходната година. Ова е всушност и најлошиот резултат откако се спроведува истражувањето.
„Со оглед на многуте предизвици со кои требаше да се соочат производителите на автомобили и дилерите во изминатата година, донекаде е изненадувачки што квалитетот на новите возила не опадна подраматично“, вели Дејвид Амодео, директор на одделот за глобална автомобилска индустрија во J.D. Power.
„Производителите на автомобили лансираат возила кои се технолошки покомплексни во годините каде што има многу недостиг на критични компоненти. Најистакнати се проблемите со чиповите“.
Премиум моделите доаѓаат со најмногу проблеми. Кај овие модели има повеќе технолошки иновации отколку кај поевтините автомобили. Исклучоци со добрите резултати на Lexus и Genesis.
Најголем дел од проблемите се поврзани со инфозабавните системи, а системите за помош при возење често предизвикуваат проблеми. Посебно се споменуваат системите за останување во сообраќајната лента. Електричните модели и plug-in хибридите се почувствителни од автомобилите кои имаат само со мотор со внатрешно согорување. Tesla има подобри резултати од другите електрични автомобили.
Американската истражувачка компанија J.D. Power ја проценува доверливоста на новите автомобили веќе 36 години. Истражувачите го следат бројот на дефекти кои се јавуваат во првите 90 дена од сопственоста за сите модели.
Ова е преглед на дефекти по бренд на автомобил. Изненадувачки, Buick е на првото место.
Повеќе детали од истражувањето може да најдете на следниот линк.