Хамилтон опуштен: Порано имав непроспиени ноќи
Хамилтон е во најдобрата форма оваа сезона по победите во Бразил и Катар
Тој има за цел да победи и на Големата награда на Саудиска Арабија, а доколку сака да остане во трката за титулата ќе мора да постигне и таков резултат.
Тој на прес-конференција направи споредба на овогодинешната борба за титулата со претходната.
„Сега е поинаку кога двата тима се исклучително блиску. Ниту една екипа не успеа да освои осум титули во низа и тоа е дополнителен мотив. Ние и red Bull сега сме многу блиску и тоа создава возбуда. Ова ќе биде одлична сезона на крајот, но и ние постојано нешто учиме. Ова е една од најинтензивните борби во Formula 1 и беше предизвик за сите. Ако успеам да станам рекордер по бројот на титули, тоа ќе биде многу задоволително“, изјави Хамилтон, кој во пресрет на трката за ГН на Саудиска Арабија има осум бода заостанување зад Верстапен.