Formula 1: Седма пол-позиција за Хамилтон во Австралија
Британскиот возач Луис Хамилтон го сруши рекордот за најбрз круг на квалификациите за Гран-при на Австралија и со тоа стигна до седмата најдобра стартна позиција во неговата кариера на трката во Мелбурн.
Хамилтон до првата пол-позиција во новата сезона стигна со феноменален последен круг во третата одлучувачка сесија, постигнувајќи време од 1:21,1264 што е нов рекорд на патеката.
До тој круг, разликата помеѓу водечките беше доста мала, но во тој круг Хамилтон направи голема предност и едноставно ја „оддува“ конкуренцијата. Ова е 72-ра пол-позиција за британскиот возач во кариерата, која го зацврсти на првото место во историјата на Formula 1 пред легендарните Михаел Шумахер и Аритон Сена со 68 односно 65 најдобри стартни позиции.
HAM: “My heart is racing right now. I’m so grateful to the Aussies having us here every year. I’m so happy with that lap” #Quali #AusGP #F1 pic.twitter.com/bdCRnlF25y
— Formula 1 (@F1) March 24, 2018
На второто место заврши возачот на Ferrari, Финецот Кими Раиконен со време од 1:21,828, а на третото место неговиот тимски колега Себастијан Фетел.
Четврто и петто место го зазедоа возачите на Red Bull, Макс Верстапен и Даниел Рикардо.
Тимот на Haas повторно изненади, а неговите возачи Кевин Магнусен и Ромен Грожан го освоија шестото односно седмото место. Осми во квалификациите заврши Нико Хулкенберг од Renault, пред неговиот колега Карлос Саинц.
Валтери Ботас направи голема пилотска грешка и се удри во безбедносната бариера покрај патеката – прејде преку тревникот и удри во безбедносниот ѕид уште во воведниот круг од третата квалификациска сесија, што значеше и крај за него. Финскиот возач се чувствува добро, но болидот е прилично оштетен. Ботас трката ќе ја започне од десеттата позиција.
Трката е во недела со почеток во 7 часот и 10 минути по наше време.