Ford најавува сосема нов Mustang! Ќе гo задржи V8 моторот и мануелниот менувач
Премиерата е закажана за 14 септември оваа година
Ford Mustang е несомнено еден од најпопуларните таканаречени „Muscle“ автомобили во светот. Во моментов е актуелна неговата шеста генерација, но тоа наскоро ќе се промени.
На 14 септември оваа година ќе се одржи премиерата на Ford Mustang од седма генерација, а на социјалните мрежи штотуку се појавија најави со звукот на неговиот мотор.
За среќа, 8-цилиндерскиот мотор останува под хаубата. Клиентите сè уште ќе може да уживаат во звукот и параметрите на 5-литарскиот V8. Во понудата ќе остане и малку поекономичната опција, поточно 2,3-литарскиот EcoBoost мотор. Покрај тоа, производителот го задржува и рачниот менувач. Очигледно ќе има и верзија со погон на сите тркала.
Оваа информација сама по себе е одлична. Особено во моменти кога постојано се слуша за намалување на бројот на цилиндри и инсталирање хибридни системи секогаш кога е можно. Затоа, љубителите на Ford Mustang можат полека да ги одбројуваат деновите до големата премиера.
Доаѓа новиот Mustang.
Get ready to feel. 9.14.2022.#MustangStampede #FordMustanghttps://t.co/xvQVq7rAEE pic.twitter.com/Btfvr1Fnnk
— Ford Mustang (@FordMustang) August 29, 2022