Fiat Panda со нула ѕвездички на Euro NCAP тестирањето
Безбедноста на урбаните модели на Fiat станува кошмар за италијанскиот производител. По катастрофалните резултати на тестовите за безбедност на Fiat Punto, истиот „успех“ го повтори и претставникот во А сегментот, Fiat Panda
Тестови кои се замислени и имплементирани од страна на Euro NCAP се наменети за да се симулираат услови кои се јавуваат во текот на несреќи во реални услови, а на овие тестови, Panda стана само втор модел, кој не успеал да собере ниту една ѕвездичка. Да потсетиме дека уште еден претставник на групата FCA е во врвот на оваа неславна листа, SUV моделот Jeep Wrangler со само една ѕвездичка за безбедност.
Резултатите на Fiat Panda се пониски од 50% во секоја одделна категорија на тестовите на Euro NCAP, а причината за најголема грижа е секако резултатот од сегментот во кој се проценува заштитата на новороденчињата во задниот дел, каде што Panda има најлош резултат во историјата, а кој гласи 16%. Просечната оцена во оваа категорија, за сите тестирани возила, е 79%, па секоја споредба е непотребна.
Што се однесува до Wrangler, од Euro NCAP пријавиле „неколку проблеми при инсталирање на детско седиште во возилото“.
Портпаролот на Fiat, вели дека „за компанијата безбедноста е врвен приоритет, а Fiat Panda ги исполнува сите барања за безбедност на сите пазари каде што се нуди“.
Само како информација дека повеќе модели на неодамнешните тестови освоиле максимален број на ѕвездички, а меѓу нив се Audi Q3, BMW X5, Hyundai Santa Fe, Jaguar I-Pace, Peugeot 508 и Volvo V60.
Повеќе на следниот линк.