Добра глума или …? Девојки на бензинска се обиделе да наполнат гориво во Tesla? / ВИДЕО
Работата да биде уште полоша, девојките се обиделе да наточат гориво во резервоарот за течност за миење на шофершајбната
Пред два дена на Youtube беше објавено неверојатно видео од бензинска пумпа на непозната локација. Иако е тешко да се процени дали се работи за исценирана ситуација или не, снимката е навистина бизарна.
Имено, две девојки пристигнале на бензинска пумпа со намера да го наполнат автомобилот со гориво.
Ништо спорно, освен што девојките пристигнаа на бензинската пумпа со целосно електричен автомобил кој се полни на струја и нема ниту отвор за полнење гориво.
По неуспешната потрага по дупката за „пиштолот“, авторот на видеото им пришол на помош на девојките и ги предупредил дека се работи за електричен автомобил.
Но и тогаш агонијата не завршува, девојката возач се правда дека дечкото и купил автомобил и таа не знае какво гориво да наточи, а по неколку моменти девојките го откриле отворот на резервоарот за течност за миење на шофершајбната…
Дали девојките се одлични актерки, односно дали ситуацијата е наместена или не, проценете сами.