Дали Tesla се подготвува за продажба?
Нов сопственик е единствената надеж за спас, сугерира изданието The Economist
Во април еден почитуван аналитичар изјави дека следните три месеци ќе бидат „најкритичниот период во историјата на Tesla“, потсетува реномираното британско издание The Economist во своја анализа, посветенa на производителот на електрични возила.
Неколку недели подоцна, прогнозата изгледа оправдана: акциите на Tesla губат речиси една третина од својата вредност споредбено со септември минатата година, а производството на долго очекуваниот „масовен“ Model 3 едвај достигнува 2000 единици неделно, наместо планираните 10.000. Неколкуте нови сообраќајни несреќи со „автопилотот“ на компанијата предизвикуваат дополнителна штета на репутацијата на компанијата, се вели понатаму во анализата на The Economist.
Илон Маск во последно време покажува се повеќе и повеќе нервоза. Но дали Маск е способен да игра против сопствените акционери?
Аналитичарите се категорични дека со сегашната стапка со која губaт кеш пари, компанијата ќе треба да собере барем 2 милијарди долари до крајот на оваа година, за да не банкротира, иако експертите на Голдман Сакс инсистираат на тоа дека оваа бројка е значително намалена.
Дури и секогаш оптимистички настроениот Илон Маск почнува да покажува нервоза и на една прес-конференција во почетокот на мај прашањата за финансиската состојба ги нарекува „здодевни“, а еден аналитичар, кој го прашал за евентуалното привлекување на нови средства, е окарактеризиран пред сите како „здодевен дрвосечач“.
Според The Economist, ова е моментот кој е идеален за продажба на компанијата – особено ако падот на цените на акциите продолжи уште малку, бидејќи до неодамна компанијата беше премногу скапо оценета (сеуште пазарната капитализација е поголема од онаа на Ford).
Пред две години Tesla доби 450.000 илјади нарачки (со по 1.000 долари депозит) за идниот Model 3, кои требаше да се завршат до 2019. Со сегашната стапка на производство сепак на компанијата ќе и требаат уште четири години за да ги произведе нарачаните автомобилите.
Големото прашање, според The Economist, е кој би бил тој нов сопственик. Пред извесно време интерес имаше еден од најголемите германски автомобилски производители – но тогашниот скок во цените на акциите предизвика прекин на разговорите, за денес Германците веќе да имаат свои електрични модели. Некој сериски производител кој сеуште заостанува со електричниот погон, ќе биде и реален кандидат, па затоа The Economist дури го споменува Fiat-Chrysler. Овој петок, шефот на компанијата Серџо Маркионе објави дека иднината на Fiat ќе биде во мали електрични модели.
Друга верзија е технолошка компанија. Во минатото, Apple имаше интерес во Tesla, потоа одлучи да развивa автомобили самостојно, за на крајот да го отфрли тој план. Waymo, одделот за автономно управување при Google, исто така, би можела да има корист од компанијата на Маск.
Истото важи и за кинескиот технолошки колос. Интернет гигантот Tencent дури има и 5% од акциите во Tesla. Но тој и Baidu се главни инвеститори во NIO, кинескиот конкурент на Tesla. Јапонскиот SoftBank, исто така, има вишок на пари што се обидува да ги инвестира првенствено во новите технологии. Конгломератот има удел во заедничките патни платформи како Uber и Didi, па i би бил корисен додаток.
Можеби The Economist сугерира, но планот на Илон Маск е сосема поинаков. Тој постојано вели дека претпочита компанијата целосно да биде под негова контрола, без потреба да од усогласување со надворешните инвеститори. Во моментов Маск има 19,9% од акциите, T. Rowe Price Associates 9.25%, Fidelity Management & Research има 8.25%, па следат Baillie Gifford & Co (7.56%), Tencent Holdings (4.94%), The Vanguard Group (4.14%) и разни други помали акционери.
Ако акциите поевтинат доволно, Mаск би можел да ги купи, на пример, преку својата компанија SpaceX. Но, тоа би значело „навлекување“ на сите „ајкули“ на Wallstreet против себе, завршува The Economist.