![Bentley е скап бренд, дури и кога прави играчки (за возрасни)](https://dodajgas.mk/wp-content/uploads/2022/12/Motorsport_and_model_cars_1900x550_crop_center.progressive.jpg)
Bentley е скап бренд, дури и кога прави играчки (за возрасни)
Иако се неодоливи, многумина ќе ги одвратат од купување поради нивната цена.
Bentley е синоним за луксуз, скап бренд што само малкумина можат да си го дозволат. И тука не се мисли само на скапи автомобили, туку и на прилично скапи понуди од таканаречената Продавница за додатоци. Понудата е богата, а од неодамна има и многу интересни модели на автомобили.
Станува збор за модели во размер 1:43, каде заедно со Bentayga и Flying Spur се нуди и модел на најспецијалниот Bentley, Bacalar од Mulliner. Изборот паднал на многу впечатливата жолта нијанса, но она што особено радува е високото ниво на квалитет на изработка и вниманието на деталите.
Покрај атрактивниот двосед, кој одамна е распродаден, се нуди и моделот Continental GT Speed. Мерката е иста, а изборот на боја е Candy црвена нијанса.
Сите модели во споменатиот размер се неизмерно поевтини од вистинските автомобили, но сепак не се евтини. Нивната цена е 100 фунти, што е на ниво на други производители како Porsche. Во секој случај, достижно, особено за некој кој би сакал ваква минијатура да ја краси неговата полица во дневната соба.
Целата палета на модели можете да ја најдете на следниот линк.